Niltaqgħu ma’ ... Joe Micallef, is-Segretarju Ġenerali tal-YFA
intervistat minn Ms Stephanie Rocco
Morna fl-uffiċini tal-Youth FA u hemmhekk iltqajna mas-Segretarju Ġenerali tal-assoċjazzjoni Joe Micallef li ilu jokkupa din il-kariga mis-sena 2000. Madankollu l-istorja ta’ Joe tmur lura aktar minn hekk. Sraqnielu ftit minuti bejn laqgħa u oħra sabiex insiru nafuh ftit aktar mill-qrib u miegħu qsamna ftit ħsibijiet dwar il-football taż-żgħażagħ. Dan mhux biss...sirna nafuh ukoll mil-lenti personali, kif ukoll kellimna xi ħbieb u kollegi tiegħu li kellhom kummenti sbieħ x’jgħaddulna fuq Joe.
Joe Micallef minn barra.
Bdejna billi nistaqsuh ftit dwar il-karattru tiegħu, passatempi oħra u l-ġurnata tipika tiegħu. Kien pront u qalilna “Joe Micallef minn barra forsi jidher li huwa kalm ħafna pero minn ġewwa huwa kaxxa infernali, iżda kemm jista’ jkun nipprova nżomm il-bilanċ. Apparti li nħobb insegwi l-football, inħobb ħafna l-‘gardening’, xi ħaġa kompletament differenti mix-xogħol u l-involviment tiegħi fil-YFA.” Joe qalilna li jqum kmieni ħafna u jorqod tard. Malli jieħu belgħa te jibda jdur l-‘emails’ li jkunu daħlu mal-lejl, u matul il-ġurnata jkollu ħin biżżejjed biex jaħseb fuq dawk li jkunu xi ftit ta’ uġiegħ ta’ ras u filgħaxija jirrispondihom. Joe għandu l-impjieg full time tiegħu, iżda t-telefonati matul il-ġurnata ma jonqsux. Filgħaxijiet dejjem b’xi impenn tal-YFA iżda Joe stqarr li “kemm jista’ jkun nipprova inħalli ġurnata li fiha ma nagħmilx impenji biex inqatta’ aktar ħin mal-familja. Pero filgħaxijiet trid twarrab dawk il-ħinijiet ta’ televiżjoni u minflok tagħmel impenji oħra ta’ ‘emails’ u korrispondenza. Erbgħa u għoxrin siegħu(24) għal ġurnata mhumiex biżżejjed, li kieku qiegħda tmienja u erbghin(48) naħseb ukoll li nsibu aktar ħin biex intawwlu u nimlew b’aktar attivitajiet…..nixtieq għandi aktar ħin ta’ rikreazzjoni pero sfortunatament il-ħin hu dak li hu!”
il-ħajra
Naturalment ma stajniex ma nsaqsuhx dwar kif bdiet il-ħajra tiegħu għall-football taż-żgħażagħ. U hawnhekk Joe semma ħabib antik tiegħu, Joe Gatt li dak iż-żmien kien Stadium Manager l-MFA u Joe kien imur jagħtih daqqa t’id. Wara li żżewweġ Joe mar joqgħod Ħad-Dingli u kienu ħajjruh jagħti spinta lin-‘nursery’ tar-raħal li għal xi żmien kienet waqfet. Fil-fatt Joe qalilna li “din kienet il-baptism of fire tiegħi fil-qasam tal-youth football u l-YFA...kważi 25 sena ilu”. Bla dubju ta’ xejn Joe ra qabża enormi bejn l-attività fin-‘nurseries’ 25 sena ilu u llum. Minkejja dan “ma niddejjaqx ngħid li dak iż-żmien in-‘nurseries’ kellhom is-sabiħ tagħhom...nemmen li kienu aktar sempliċi, forsi mhux daqshekk organizzati....iżda kellhom il-passjoni u li forsi llum qed tinħeba wara affarijiet oħra.” Dan ikkonfermawh żewġt iħbieb u kollegi ta’ Joe. Fr Hilary, il-President tal-YFA qalilna li “Joe hu bniedem li jaf iqis u jixtarr kull sitwazzjoni li jkun fiha, għandu passjoni kbira għall-futbol”. U Robert Attard, Viċi President YFA u Joe Mallia miċ-Ċentru Tekniku, imma fuq kollox it-tnejn ħbieb ta’ Joe għal snin twal semmew id-dedikazzjoni u l-commitment ta’ Joe għal-logħba tal-football fil-livell tal-youths...ma jieqaf qatt jaħdem u jaħseb kif l-affarijiet jistgħu jsiru aħjar.”
l-organizzazzjoni tan-nurseries
Komplejna nitkellmu ma’ Joe dwar l-organizzazzjoni tan-nurseries u hawn qalilna li “illum l-iskala ta’ organizzazzjoni ġo nursery kibret immensament; illum għandna nurseries li jitfħu l-bibien tagħhom għal tfal minn 6 snin ‘il fuq, oħrajn li jieħdu ħsieb ukoll it-tim tal-youths...illum m’għadux biżżejjed li jkollok coach b’C licence biss, imma jrid ikollok numru ta’ coaches kwalifikati fi gradi differenti...allura żgur li ma nistgħux inħalltu dawk iż-żminijiet mal-lum. Illum qegħdin ferm aħjar. Mhux se niġġudika f’liema livell qegħdin pero hu żgur li matul dawn is-snin dejjem sar progress. Hemm min jgħid li ma sarx, pero naħseb jekk naraw kollox inġenerali, ħafna miż-żgħażagħ u t-tfal ma kinux sfruttati bil-ħajja kif inhi llum u setgħu jikkonċentraw aktar fuq il-logħba. Illum il-ħajja differenti; hemm affarijiet li qed ifixkluhom lil dawn iż-żgħażagħ li jipprattikaw l-isport, li jkunu f’organizzazzjoni ta’ football, pero nemmen ukoll li iva, in-nurseries qegħdin jgħinu f’dan il-progress.”
Sfidi
Propju hawn naslu biex niddiskutu ftit l-isfidi li qed jaffrontaw in-nurseries. Fost oħrajn Joe semma li l-istrtuttura biex illum ikollok ‘nursery’ hija waħda li trid taħseb fuqha...f’dik li hi firxa ta’ finanzi, l-aspett infrastrutturali, u l-qasam tekniku. Illum fortunati li ħafna min-‘nurseries’ għandhom postijiet li tieħu pjaċir tmur tittrenja fihom. Dan pero jġib aktar sfidi fuq in-‘nurseries’ għaliex importanti li jżommu l-faċilitajiet tagħhom ‘up-to-standard’. Hemm it-trasport għal-logħobiet ukoll. Biex wieħed iżomm dawn l-affarijiet ħajjin, irid jaħseb f’metodi biex wieħed jiffinazjahom. “Illum spiċċa ż-żmien li forsi ‘nursery’ kienet tagħmel raffle jew il-famuża tombla biex ikollha ftit tal-flus…illum, il-ħajja totalment differenti, u l-flus li għandek bżonn huma totalment kbar allura qed jidħol il-kuċett ta’ ‘marketing’…trid nies li huma aktar professjonali f’dan is-settur u hekk qed naraw in-nursery tikber b’mod in-ġenerali f’ħafna setturi.”
Involviment fil-YFA
Joe irrakkuntalna wkoll kif eventwalment spiċċa involut fil-YFA. Alfred Cacciatolo, llum Teżorier tal-YFA, Joe Cassar b’involviment qawwi fl-International Department tal-MFA u Fr Hilary lkoll kellhom sehem sabiex Joe beda jinvolvi ruħu wkoll fil-YFA. Jgħidilna kif Fr Hilary kien stiednu jattendi għal-laqgħa tal-kunsill biex jara kif iħossu u minn hekk jiddeċiedi jekk jagħtix l-għajnuna tiegħu. Jidher li d-deċiżjoni ħadha u fis-sena tal-millenju ġie elett Segretarju Ġenerali wara li Joe Cassar ma kkontestax. Ma’ dan allura komplejna nistaqsuh dwar aktar progress. Hu jemmen li kull staġun għandu l-progress tiegħu. Jsemmilna l-famuża ‘Let’s turn green’. “Dak iż-żmien konna qed nirreferu għall-pitches artifiċjali, li bihom stajna nattiraw aktar tfal lejn in-nurseries, f’ambjent san. Ridna naraw kif nibdew indawwru l-uċuh minn bojod għall-ħodor. Bdejna minn San Alwiġi, għall-Hockey Association f’Raħal Ġdid u komplejna nifirxu bil-mod il-mod.” Joe isemmi wkoll l-ħidma li saret sabiex jiġu ‘upgraded’ il-liċenzji tan-nurseries.
Tibdil fil-kampjonati
Semma wkoll it-tibdil fil-kampjonati matul dawn l-aħħar 15 –il sena sabiex il-YFA dejjem tipprova toħloq xi ħaġa aktar kompetittiva. U hawn allura ma nistgħux ma nieħdux l-opinjoni ta’ Joe dwar it-tibdil fil-format tal-kampjonat ta’ taħt il-15 u 17 –il sena li issa jinsab fit-tieni sena tiegħu. Joe jagħmel referenza għal dak li Norman Darmanin Demajo, President tal-MFA isemmi – il-‘comfort zone’....“kulħadd dera b’dik is-sistema, kulħadd qiegħed komdu hemmhekk (naqa’, nitla’)…il-ħsieb ta’ dan il-format kien wieħed biss: aħna għandna problema minħabba l-limitazzjoni li għandha kull nursery bin-numru ta’ tfal tagħha, ma nistgħux nagħmlu kampjonat għal-14, 15, 16, 17, 18….aħna għandna kampjonati li jiġbru fihom sentejn-sentejn. Iżda li jiġri hu li jkollok timijiet ġo Section A li rebħu l-kampjonat ta’ dan l-istaġun, jiġu l-istaġun ta’ wara u jispiċċaw l-maġġoranza assoluta tat-tfal; it-tfal li jitilgħu forsi ma jkunux tal-istess livell ta’ qabilhom u jispiċċa, bħalma ġieli kellna, li t-tim jiġi relegat bil-konsegwenzi li dawk it-tfal jibdew jaqtgħu qalbhom u joħorġu ‘l barra…mill-football....Fil-bidu tal-istaġun il-YFA stiednet lil kull nursery li jekk taħseb li l-livell tat-tim hu kemmxejn batut allura tista’ tiddeciedi li tmur mil-ewwel f’Sezzjoni D, u m’għandekx għalfejn tidħol fil-fażi preliminari. Ċertament, dan huwa żmien ta’ prova.”
Avvanz
U la semmejna t-tfal li ma jibqgħux jilagħbu l-football, staqsejna lil Joe dwar x’jaħseb li jżomm liż-żgħażagħ Maltin milli javvanzaw u jaqilbu għall-ħajja professjonali. “Jien naħseb li l-karattru tat-tfal tagħna huwa…mfissed; nerġa’ nsemmi l-‘comfort zone’. Hi xi ħaġa pjaċevoli li wieħed isib lil ommu filgħodu taghmillu t-te, twasslu l-iskola u tmur għalih, isib il-lunch lest, l-kit maħsul u nadif għal-logħba li jmiss eċċ. Iżda l-ħajja professjonali barra tirrikjedi ċertu sagrifiċċji u ċertu responsabbiltajiet. Sfortunatament ngħid li l-karattru tagħna mhux imxeqleb ħafna lejn dak, għalkemm hemm min għamilha. Illum opportunitajiet hawn. Forsi ma’ dan nixtieq inżid xi ħaġa oħra, għandna tfal li jistgħu jirnexxu u għandna oħrajn li l-livell tal-football tagħhom huwa hekk. Pero jien dejjem nitkellem ma’ amministratturi tan-‘nurseries’, li jekk dawn it-tfal għandhom il-passjoni lejn il-football allura wieħed għandu jressaqhom lejn ‘refereeing’ jew amministrazzjoni għaliex il-football bil-plejers waħidhom jew bl-istrutturi waħidhom jew bir-referees waħidhom ma jeżistix football. Mela trid kollox magħqud flimkien.”
UEFA Diploma
Ħadna spunt mil-kummenti ta’ Joe dwar l-amministrazzjoni u tlabnih jgħidilna ftit dwar l-esperjenza tiegħu waqt li kien qed jagħmel il-UEFA Diploma....Joe jgħidilna li din ipprovdietlu esperjenzi kbar u matulha mess ma’ suġġetti li forsi ftit kien jaħseb dwarhom bħalma hu l-kunċett tal-football social responsibility, il-kunċett vast tal-voluntiera, stadium management, media, marketing eċċ. “Il-kwistjoni tal-FSR kienet xi ħaġa ferm għal qalbi u ħdimt bis-sħiħ fuqha flimkien mal-YFA u llum qed naraw il-frott tagħha. Apparti plejers li jidħlu taħt l-FSR, qeghdin inħeġġu wkoll nurseries li jorganizzaw affarijiet relatati mar-responsabbiltà li jaqgħu taħt il-football.” U hawn imxejna għall-eventwalitajiet oħra li l-amministraturi u l-coaches qed jiltaqgħu magħhom...dawk ta’ tfal b’kundizzjonijiet varji. Iżda kemm aħna ppreparati biex nimmaniġġjaw sitwazzjonijiet bħal dawn? Joe sostna li l-YFA tressaq NGOs u Dipartimenti tal-Gvern li jagħtu servizzi ta’ tagħlim u awareness. “Hawn nurseries li qed jagħmlu l-parti tagħhom f’dan l-aspett mhux biss f’dak li għandu x’jaqsam ma’ diżabbilta iżda wkoll ma ċerti kundizzjonijiet oħrajn. Nemmen li jekk in-nurseries jieħdu l-opportunità tas-seminars li norganizzaw u jkomplu jagħmlu follow-up, naħseb li hekk nistgħu nkunu ferm aħjar. Wara kollox irridu nżommu f’moħħna li wieħed mil-mottos tal-football hu “football is for all” – l-inklużjoni!” Ma’ dan kollu Joe tenna li l-YFA qed tagħti s-sostenn tagħha lill-MFA fuq proġett li ġie mniedi fis-seminar annwali tal-YFA f’Awwissu li għadda, dak ta’ policies dwar child protection. Flimkien ma’ Andrew Azzopardi “ser noħolqu policies għan-nurseries rigward child protection, u anke dwar l-etika tal-coaches u l-amministraturi...hu importanti li f’dan il-livell ikollna linji gwida...nittamaw li n-nurseries jappoġġjaw din l-inizjattiva”.
full-time u aktar professjonali
U wara kollox staqsejna lil Joe jekk wasalx iż-żmien li n-nurseries jiġu full-time u aktar professjonali....“Naħseb li biex nurseries jaqilbu għal-livell professjonali irid ikun hemm investiment mil-parent club. Personalment naħseb li għandu jkun hemm sistema ta’ klassifikazzjoni b’dawk in-nurseries li qegħdin hemm ‘for fun’ u allura m’għandhomx għalfejn jitgħabbew bi spejjeż finanzjarji iżda li xorta qed jagħtu servizz lill-football u li dawn jistgħu jservu bħala ‘feeders’...għaliex minn grupp ta’ għaxart itfal jaf ikollok tnejn li jipromettu. Lil dawn il-plejers jgħadduhom ‘il fuq u jkollhom pride li tellgħathom f’livell għola u li l’quddiem jaf jilagħbu Premier u mat-tim nazzjonali. Hemm imbagħad dawk maqsumin bħala akkedemji jew elite, u oħrajn ta’ livell anqas. Meta nitkellmu fuq l-akkademja mhix dik l-akkademja li kulħadd irid jagħmel biex ngħidu li għandna akkademja. Hemm standards li jistgħu jkunu tqal ħafna pero jekk irridu l-akkademja allura din tirrikjedi s-serjeta. Għalhekk naħseb li rridu li l-klabbs u n-nurseries verament jifhmu li hemm bżonn qabża u kulħadd jidħol fil-livell mistħoqq.” Kliem bħal dan jikkonferma dak li qal Fr Hilary “Joe għandu sens ta’ leadership”, u dak li qalilna Joe Mallia wkoll “għandu knowhow second-to-none biex isolvi kull problema li tinqala’ u jidderiġi l-affarijiet fl-assoċjazzjoni”.
messaġġ
Lil Joe tlabnih jgħaddi messaġġ lill-amministratturi u l-coaches. “Nemmen li sew il-coaches u l-amministraturi dejjem għandhom ikunu professjonali u aware ta’ dak li qed jevolvi fil-ħajja tal-football. Semmejniha fil-bidu u nixtieq nagħlaq biha…il-PASSJONI hi l-qofol ta’ kollox u permezz tagħha nistgħu naslu biex naraw affarijiet li nixtiequ naraw jinbidlu fil-football f’pajjiżna.”
Joe Mallia qalilna “Father Hilary huwa l-father, u Joe huwa l-qalb li żżomm lill-YFA taħdem minn sena għal sena”. U allura ma stajtx nitlaq u ma nistaqsihx, “smajnik titkellem b’ċertu passjoni lejn il-youth football u l-involviment tiegħek , għamilt u għadek qed tagħmel ħafna xogħol….nista’ niddeskrivik bħala r-radiator tal-YFA?” .... Naħseb li jekk titfa’ radiator waħdu, ma jagħmel xejn. Jien inħoss li fil-YFA dejjem esperjenzajt dak li irrid ngħix, irrid naqsam u nasal f’armonija man-nies ta’ madwari.” U hawnhekk Robert Attard qalilna li “lil Joe inqisu bħala wieħed mill-akbar ħbieb tiegħi, bniedem li jaf jisma’ u dejjem jagħti pariri għaqlin...jien inqisu bħala l-mentor tiegħi, tgħallimt ħafna mingħandu....u tgħallimt li lil Joe ma tistax tgħidlu le!”
Joe kompla jgħid, “Jekk kellna s-suċċess, dan mhux dovut għalija biss imma jien dejjem fittixt li madwar l-assoċjazzjoni jkun hemm nies kapaċi, nies li għandhom il-passjoni, u nies li naf li bihom nistgħu naslu li nwettqu dak li nixtiequ naraw jitwettaq. F’kelma waħda, radiator waħdu ma jiswa xejn…jiswa dak kollu li hemm imqabbad miegħu u nemmen li l-ftit li nista’ nagħti, inħobb nara lill-ħaddiehor aktar ‘close’ u flimkien noħolqu u nesperimentaw affarijiet sabiex dejjem inħallu dan il-mekkaniżmu tal-YFA jaħdem, li huwa frott ukoll tax-xogħol li għamlu ta’ qabilna u lil dawn in-nies ta’ min jibqa’ jirrispettahom.”
Grazzi tal-ħin tiegħek Joe...nawgurawlek aktar ħidma fil-football taż-żgħażagħ.
Niltaqgħu ma’ ... Joe Micallef, is-Segretarju Ġenerali tal-YFA
intervistat minn Ms Stephanie Rocco
Morna fl-uffiċini tal-Youth FA u hemmhekk iltqajna mas-Segretarju Ġenerali tal-assoċjazzjoni Joe Micallef li ilu jokkupa din il-kariga mis-sena 2000. Madankollu l-istorja ta’ Joe tmur lura aktar minn hekk. Sraqnielu ftit minuti bejn laqgħa u oħra sabiex insiru nafuh ftit aktar mill-qrib u miegħu qsamna ftit ħsibijiet dwar il-football taż-żgħażagħ. Dan mhux biss...sirna nafuh ukoll mil-lenti personali, kif ukoll kellimna xi ħbieb u kollegi tiegħu li kellhom kummenti sbieħ x’jgħaddulna fuq Joe.
Joe Micallef minn barra.
Bdejna billi nistaqsuh ftit dwar il-karattru tiegħu, passatempi oħra u l-ġurnata tipika tiegħu. Kien pront u qalilna “Joe Micallef minn barra forsi jidher li huwa kalm ħafna pero minn ġewwa huwa kaxxa infernali, iżda kemm jista’ jkun nipprova nżomm il-bilanċ. Apparti li nħobb insegwi l-football, inħobb ħafna l-‘gardening’, xi ħaġa kompletament differenti mix-xogħol u l-involviment tiegħi fil-YFA.” Joe qalilna li jqum kmieni ħafna u jorqod tard. Malli jieħu belgħa te jibda jdur l-‘emails’ li jkunu daħlu mal-lejl, u matul il-ġurnata jkollu ħin biżżejjed biex jaħseb fuq dawk li jkunu xi ftit ta’ uġiegħ ta’ ras u filgħaxija jirrispondihom. Joe għandu l-impjieg full time tiegħu, iżda t-telefonati matul il-ġurnata ma jonqsux. Filgħaxijiet dejjem b’xi impenn tal-YFA iżda Joe stqarr li “kemm jista’ jkun nipprova inħalli ġurnata li fiha ma nagħmilx impenji biex inqatta’ aktar ħin mal-familja. Pero filgħaxijiet trid twarrab dawk il-ħinijiet ta’ televiżjoni u minflok tagħmel impenji oħra ta’ ‘emails’ u korrispondenza. Erbgħa u għoxrin siegħu(24) għal ġurnata mhumiex biżżejjed, li kieku qiegħda tmienja u erbghin(48) naħseb ukoll li nsibu aktar ħin biex intawwlu u nimlew b’aktar attivitajiet…..nixtieq għandi aktar ħin ta’ rikreazzjoni pero sfortunatament il-ħin hu dak li hu!”
il-ħajra
Naturalment ma stajniex ma nsaqsuhx dwar kif bdiet il-ħajra tiegħu għall-football taż-żgħażagħ. U hawnhekk Joe semma ħabib antik tiegħu, Joe Gatt li dak iż-żmien kien Stadium Manager l-MFA u Joe kien imur jagħtih daqqa t’id. Wara li żżewweġ Joe mar joqgħod Ħad-Dingli u kienu ħajjruh jagħti spinta lin-‘nursery’ tar-raħal li għal xi żmien kienet waqfet. Fil-fatt Joe qalilna li “din kienet il-baptism of fire tiegħi fil-qasam tal-youth football u l-YFA...kważi 25 sena ilu”. Bla dubju ta’ xejn Joe ra qabża enormi bejn l-attività fin-‘nurseries’ 25 sena ilu u llum. Minkejja dan “ma niddejjaqx ngħid li dak iż-żmien in-‘nurseries’ kellhom is-sabiħ tagħhom...nemmen li kienu aktar sempliċi, forsi mhux daqshekk organizzati....iżda kellhom il-passjoni u li forsi llum qed tinħeba wara affarijiet oħra.” Dan ikkonfermawh żewġt iħbieb u kollegi ta’ Joe. Fr Hilary, il-President tal-YFA qalilna li “Joe hu bniedem li jaf iqis u jixtarr kull sitwazzjoni li jkun fiha, għandu passjoni kbira għall-futbol”. U Robert Attard, Viċi President YFA u Joe Mallia miċ-Ċentru Tekniku, imma fuq kollox it-tnejn ħbieb ta’ Joe għal snin twal semmew id-dedikazzjoni u l-commitment ta’ Joe għal-logħba tal-football fil-livell tal-youths...ma jieqaf qatt jaħdem u jaħseb kif l-affarijiet jistgħu jsiru aħjar.”
l-organizzazzjoni tan-nurseries
Komplejna nitkellmu ma’ Joe dwar l-organizzazzjoni tan-nurseries u hawn qalilna li “illum l-iskala ta’ organizzazzjoni ġo nursery kibret immensament; illum għandna nurseries li jitfħu l-bibien tagħhom għal tfal minn 6 snin ‘il fuq, oħrajn li jieħdu ħsieb ukoll it-tim tal-youths...illum m’għadux biżżejjed li jkollok coach b’C licence biss, imma jrid ikollok numru ta’ coaches kwalifikati fi gradi differenti...allura żgur li ma nistgħux inħalltu dawk iż-żminijiet mal-lum. Illum qegħdin ferm aħjar. Mhux se niġġudika f’liema livell qegħdin pero hu żgur li matul dawn is-snin dejjem sar progress. Hemm min jgħid li ma sarx, pero naħseb jekk naraw kollox inġenerali, ħafna miż-żgħażagħ u t-tfal ma kinux sfruttati bil-ħajja kif inhi llum u setgħu jikkonċentraw aktar fuq il-logħba. Illum il-ħajja differenti; hemm affarijiet li qed ifixkluhom lil dawn iż-żgħażagħ li jipprattikaw l-isport, li jkunu f’organizzazzjoni ta’ football, pero nemmen ukoll li iva, in-nurseries qegħdin jgħinu f’dan il-progress.”
Sfidi
Propju hawn naslu biex niddiskutu ftit l-isfidi li qed jaffrontaw in-nurseries. Fost oħrajn Joe semma li l-istrtuttura biex illum ikollok ‘nursery’ hija waħda li trid taħseb fuqha...f’dik li hi firxa ta’ finanzi, l-aspett infrastrutturali, u l-qasam tekniku. Illum fortunati li ħafna min-‘nurseries’ għandhom postijiet li tieħu pjaċir tmur tittrenja fihom. Dan pero jġib aktar sfidi fuq in-‘nurseries’ għaliex importanti li jżommu l-faċilitajiet tagħhom ‘up-to-standard’. Hemm it-trasport għal-logħobiet ukoll. Biex wieħed iżomm dawn l-affarijiet ħajjin, irid jaħseb f’metodi biex wieħed jiffinazjahom. “Illum spiċċa ż-żmien li forsi ‘nursery’ kienet tagħmel raffle jew il-famuża tombla biex ikollha ftit tal-flus…illum, il-ħajja totalment differenti, u l-flus li għandek bżonn huma totalment kbar allura qed jidħol il-kuċett ta’ ‘marketing’…trid nies li huma aktar professjonali f’dan is-settur u hekk qed naraw in-nursery tikber b’mod in-ġenerali f’ħafna setturi.”
Involviment fil-YFA
Joe irrakkuntalna wkoll kif eventwalment spiċċa involut fil-YFA. Alfred Cacciatolo, llum Teżorier tal-YFA, Joe Cassar b’involviment qawwi fl-International Department tal-MFA u Fr Hilary lkoll kellhom sehem sabiex Joe beda jinvolvi ruħu wkoll fil-YFA. Jgħidilna kif Fr Hilary kien stiednu jattendi għal-laqgħa tal-kunsill biex jara kif iħossu u minn hekk jiddeċiedi jekk jagħtix l-għajnuna tiegħu. Jidher li d-deċiżjoni ħadha u fis-sena tal-millenju ġie elett Segretarju Ġenerali wara li Joe Cassar ma kkontestax. Ma’ dan allura komplejna nistaqsuh dwar aktar progress. Hu jemmen li kull staġun għandu l-progress tiegħu. Jsemmilna l-famuża ‘Let’s turn green’. “Dak iż-żmien konna qed nirreferu għall-pitches artifiċjali, li bihom stajna nattiraw aktar tfal lejn in-nurseries, f’ambjent san. Ridna naraw kif nibdew indawwru l-uċuh minn bojod għall-ħodor. Bdejna minn San Alwiġi, għall-Hockey Association f’Raħal Ġdid u komplejna nifirxu bil-mod il-mod.” Joe isemmi wkoll l-ħidma li saret sabiex jiġu ‘upgraded’ il-liċenzji tan-nurseries.
Tibdil fil-kampjonati
Semma wkoll it-tibdil fil-kampjonati matul dawn l-aħħar 15 –il sena sabiex il-YFA dejjem tipprova toħloq xi ħaġa aktar kompetittiva. U hawn allura ma nistgħux ma nieħdux l-opinjoni ta’ Joe dwar it-tibdil fil-format tal-kampjonat ta’ taħt il-15 u 17 –il sena li issa jinsab fit-tieni sena tiegħu. Joe jagħmel referenza għal dak li Norman Darmanin Demajo, President tal-MFA isemmi – il-‘comfort zone’....“kulħadd dera b’dik is-sistema, kulħadd qiegħed komdu hemmhekk (naqa’, nitla’)…il-ħsieb ta’ dan il-format kien wieħed biss: aħna għandna problema minħabba l-limitazzjoni li għandha kull nursery bin-numru ta’ tfal tagħha, ma nistgħux nagħmlu kampjonat għal-14, 15, 16, 17, 18….aħna għandna kampjonati li jiġbru fihom sentejn-sentejn. Iżda li jiġri hu li jkollok timijiet ġo Section A li rebħu l-kampjonat ta’ dan l-istaġun, jiġu l-istaġun ta’ wara u jispiċċaw l-maġġoranza assoluta tat-tfal; it-tfal li jitilgħu forsi ma jkunux tal-istess livell ta’ qabilhom u jispiċċa, bħalma ġieli kellna, li t-tim jiġi relegat bil-konsegwenzi li dawk it-tfal jibdew jaqtgħu qalbhom u joħorġu ‘l barra…mill-football....Fil-bidu tal-istaġun il-YFA stiednet lil kull nursery li jekk taħseb li l-livell tat-tim hu kemmxejn batut allura tista’ tiddeciedi li tmur mil-ewwel f’Sezzjoni D, u m’għandekx għalfejn tidħol fil-fażi preliminari. Ċertament, dan huwa żmien ta’ prova.”
Avvanz
U la semmejna t-tfal li ma jibqgħux jilagħbu l-football, staqsejna lil Joe dwar x’jaħseb li jżomm liż-żgħażagħ Maltin milli javvanzaw u jaqilbu għall-ħajja professjonali. “Jien naħseb li l-karattru tat-tfal tagħna huwa…mfissed; nerġa’ nsemmi l-‘comfort zone’. Hi xi ħaġa pjaċevoli li wieħed isib lil ommu filgħodu taghmillu t-te, twasslu l-iskola u tmur għalih, isib il-lunch lest, l-kit maħsul u nadif għal-logħba li jmiss eċċ. Iżda l-ħajja professjonali barra tirrikjedi ċertu sagrifiċċji u ċertu responsabbiltajiet. Sfortunatament ngħid li l-karattru tagħna mhux imxeqleb ħafna lejn dak, għalkemm hemm min għamilha. Illum opportunitajiet hawn. Forsi ma’ dan nixtieq inżid xi ħaġa oħra, għandna tfal li jistgħu jirnexxu u għandna oħrajn li l-livell tal-football tagħhom huwa hekk. Pero jien dejjem nitkellem ma’ amministratturi tan-‘nurseries’, li jekk dawn it-tfal għandhom il-passjoni lejn il-football allura wieħed għandu jressaqhom lejn ‘refereeing’ jew amministrazzjoni għaliex il-football bil-plejers waħidhom jew bl-istrutturi waħidhom jew bir-referees waħidhom ma jeżistix football. Mela trid kollox magħqud flimkien.”
UEFA Diploma
Ħadna spunt mil-kummenti ta’ Joe dwar l-amministrazzjoni u tlabnih jgħidilna ftit dwar l-esperjenza tiegħu waqt li kien qed jagħmel il-UEFA Diploma....Joe jgħidilna li din ipprovdietlu esperjenzi kbar u matulha mess ma’ suġġetti li forsi ftit kien jaħseb dwarhom bħalma hu l-kunċett tal-football social responsibility, il-kunċett vast tal-voluntiera, stadium management, media, marketing eċċ. “Il-kwistjoni tal-FSR kienet xi ħaġa ferm għal qalbi u ħdimt bis-sħiħ fuqha flimkien mal-YFA u llum qed naraw il-frott tagħha. Apparti plejers li jidħlu taħt l-FSR, qeghdin inħeġġu wkoll nurseries li jorganizzaw affarijiet relatati mar-responsabbiltà li jaqgħu taħt il-football.” U hawn imxejna għall-eventwalitajiet oħra li l-amministraturi u l-coaches qed jiltaqgħu magħhom...dawk ta’ tfal b’kundizzjonijiet varji. Iżda kemm aħna ppreparati biex nimmaniġġjaw sitwazzjonijiet bħal dawn? Joe sostna li l-YFA tressaq NGOs u Dipartimenti tal-Gvern li jagħtu servizzi ta’ tagħlim u awareness. “Hawn nurseries li qed jagħmlu l-parti tagħhom f’dan l-aspett mhux biss f’dak li għandu x’jaqsam ma’ diżabbilta iżda wkoll ma ċerti kundizzjonijiet oħrajn. Nemmen li jekk in-nurseries jieħdu l-opportunità tas-seminars li norganizzaw u jkomplu jagħmlu follow-up, naħseb li hekk nistgħu nkunu ferm aħjar. Wara kollox irridu nżommu f’moħħna li wieħed mil-mottos tal-football hu “football is for all” – l-inklużjoni!” Ma’ dan kollu Joe tenna li l-YFA qed tagħti s-sostenn tagħha lill-MFA fuq proġett li ġie mniedi fis-seminar annwali tal-YFA f’Awwissu li għadda, dak ta’ policies dwar child protection. Flimkien ma’ Andrew Azzopardi “ser noħolqu policies għan-nurseries rigward child protection, u anke dwar l-etika tal-coaches u l-amministraturi...hu importanti li f’dan il-livell ikollna linji gwida...nittamaw li n-nurseries jappoġġjaw din l-inizjattiva”.
full-time u aktar professjonali
U wara kollox staqsejna lil Joe jekk wasalx iż-żmien li n-nurseries jiġu full-time u aktar professjonali....“Naħseb li biex nurseries jaqilbu għal-livell professjonali irid ikun hemm investiment mil-parent club. Personalment naħseb li għandu jkun hemm sistema ta’ klassifikazzjoni b’dawk in-nurseries li qegħdin hemm ‘for fun’ u allura m’għandhomx għalfejn jitgħabbew bi spejjeż finanzjarji iżda li xorta qed jagħtu servizz lill-football u li dawn jistgħu jservu bħala ‘feeders’...għaliex minn grupp ta’ għaxart itfal jaf ikollok tnejn li jipromettu. Lil dawn il-plejers jgħadduhom ‘il fuq u jkollhom pride li tellgħathom f’livell għola u li l’quddiem jaf jilagħbu Premier u mat-tim nazzjonali. Hemm imbagħad dawk maqsumin bħala akkedemji jew elite, u oħrajn ta’ livell anqas. Meta nitkellmu fuq l-akkademja mhix dik l-akkademja li kulħadd irid jagħmel biex ngħidu li għandna akkademja. Hemm standards li jistgħu jkunu tqal ħafna pero jekk irridu l-akkademja allura din tirrikjedi s-serjeta. Għalhekk naħseb li rridu li l-klabbs u n-nurseries verament jifhmu li hemm bżonn qabża u kulħadd jidħol fil-livell mistħoqq.” Kliem bħal dan jikkonferma dak li qal Fr Hilary “Joe għandu sens ta’ leadership”, u dak li qalilna Joe Mallia wkoll “għandu knowhow second-to-none biex isolvi kull problema li tinqala’ u jidderiġi l-affarijiet fl-assoċjazzjoni”.
messaġġ
Lil Joe tlabnih jgħaddi messaġġ lill-amministratturi u l-coaches. “Nemmen li sew il-coaches u l-amministraturi dejjem għandhom ikunu professjonali u aware ta’ dak li qed jevolvi fil-ħajja tal-football. Semmejniha fil-bidu u nixtieq nagħlaq biha…il-PASSJONI hi l-qofol ta’ kollox u permezz tagħha nistgħu naslu biex naraw affarijiet li nixtiequ naraw jinbidlu fil-football f’pajjiżna.”
Joe Mallia qalilna “Father Hilary huwa l-father, u Joe huwa l-qalb li żżomm lill-YFA taħdem minn sena għal sena”. U allura ma stajtx nitlaq u ma nistaqsihx, “smajnik titkellem b’ċertu passjoni lejn il-youth football u l-involviment tiegħek , għamilt u għadek qed tagħmel ħafna xogħol….nista’ niddeskrivik bħala r-radiator tal-YFA?” .... Naħseb li jekk titfa’ radiator waħdu, ma jagħmel xejn. Jien inħoss li fil-YFA dejjem esperjenzajt dak li irrid ngħix, irrid naqsam u nasal f’armonija man-nies ta’ madwari.” U hawnhekk Robert Attard qalilna li “lil Joe inqisu bħala wieħed mill-akbar ħbieb tiegħi, bniedem li jaf jisma’ u dejjem jagħti pariri għaqlin...jien inqisu bħala l-mentor tiegħi, tgħallimt ħafna mingħandu....u tgħallimt li lil Joe ma tistax tgħidlu le!”
Joe kompla jgħid, “Jekk kellna s-suċċess, dan mhux dovut għalija biss imma jien dejjem fittixt li madwar l-assoċjazzjoni jkun hemm nies kapaċi, nies li għandhom il-passjoni, u nies li naf li bihom nistgħu naslu li nwettqu dak li nixtiequ naraw jitwettaq. F’kelma waħda, radiator waħdu ma jiswa xejn…jiswa dak kollu li hemm imqabbad miegħu u nemmen li l-ftit li nista’ nagħti, inħobb nara lill-ħaddiehor aktar ‘close’ u flimkien noħolqu u nesperimentaw affarijiet sabiex dejjem inħallu dan il-mekkaniżmu tal-YFA jaħdem, li huwa frott ukoll tax-xogħol li għamlu ta’ qabilna u lil dawn in-nies ta’ min jibqa’ jirrispettahom.”
Grazzi tal-ħin tiegħek Joe...nawgurawlek aktar ħidma fil-football taż-żgħażagħ.
